Vendi nën ujë: Stuhia e pasdites së premte paralizon qytetin…

Pasditen e kësaj të premteje, Pogradeci është përballur me një përkeqësim të menjëhershëm të kushteve atmosferike, duke i dhënë fund valës së të nxehtit që mbizotëroi për javë të tëra në të gjithë territorin. Stuhia, që u shfaq fillimisht si një vranësirë e papritur, shkaktoi brenda pak çastesh përmbytje në arteriet kryesore të qytetit.

Materialet filmike të sjella nga vendngjarja dëshmojnë intensitetin e lartë të reshjeve, të cilat tejkaluan kapacitetin e rrjetit të kanalizimeve.

Situata më kritike është vërejtur në rrugën “Dëshmorët e Pojskës” dhe në gjatësinë e shëtitores buzë liqenit, ku prurjet e ujit kanë vërshuar duke mbuluar tërësisht sipërfaqen e kalimit.

Në pamjet e publikuara shihen këmbësorët që detyrohen të zbathën për të përshkuar rrugët e vërshuara, ndërkohë që të tjerë përpiqen të çajnë rrugën me biçikletat e tyre mes ujit.

Ky ndryshim i beftë i motit vjen pas një periudhe të gjatë thatësire dhe temperaturash ekstreme, të cilat nxitën shfaqjen e vatrave të shumta të zjarrit në territorin shqiptar.