Nga banore në moderatore? Elijona Binakaj përflitet si zëvendësuesja e Jonida Vokshit në BBVK 5
Sezoni i pestë i “Big Brother VIP Kosova” po sjell ndryshime të ndjeshme pas vendimit të Jonida Vokshit për t’u larguar nga posti i moderatores. Vëmendja kryesore tashmë është fokusuar te gjetja e figurës që do të ndajë skenën me Alaudin Hamitin.
Lidhur me këtë vakum, gazetari Elton Tozaj ka hedhur një hipotezë të re gjatë së martës. Në një intervistë të tijën, ai la të kuptohet se Elijona Binakaj është një nga profilet që po shqyrtohen për t’u bërë pjesë e këtij formati në rolin e prezantueses.
Duke qenë se ajo spikati si një nga figurat kryesore në edicionin e katërt, duke siguruar vendin e dytë në finalen e madhe, një angazhim i tillë do të shënonte një zhvillim të rëndësishëm në karrierën e saj televizive pas periudhës si pjesëmarrëse në lojë.
Megjithatë, deri më tani mungon një pohim zyrtar nga ana e stafit të realizimit lidhur me përfshirjen e mundshme të Elijona Binakajt në “Big Brother VIP Kosova 5” në krah të Alaudin Hamitit. Përderisa nuk ka një qëndrim zyrtar nga Klan Kosova apo një reagim nga vetë Binakaj, ky emër mbetet thjesht një ndër opsionet e shumta që po diskutohen për sezonin e ri.
