Aksident i rëndë në aksin Fier-Shegan-Kuçovë: Trajleri përpIas dy makina dhe arratiset

Në orën 12:30 të ditës së sotme, në segmentin rrugor Fier-Shegan-Kuçovë, është regjistruar një përplasje e fuqishme automjetesh.

Dëshmitarët okularë kanë raportuar se një mjet i tonazhit të rëndë me targa shqiptare, i cili po vinte nga drejtimi i Beratit drejt Lushnjës, ka goditur fillimisht një makinë në lëvizje e më tej një automjet tjetër që gjendej i palëvizshëm pranë një shtëpie në anë të rrugës.

Drejtuesi i kamionit nuk ka ndaluar për t’i dhënë ndihmën e parë të dëmtuarve, duke u larguar menjëherë nga vendi i ngjarjes. Pavarësisht angazhimit të menjëhershëm të forcave policore në kërkim të tij, deri më tani shoferi mbetet i paidentifikuar dhe në arrati.

Për pasojë, drejtuesja e njërit prej mjeteve të përfshira ka pësuar lëndime të rënda fizike dhe është dërguar me urgjencë drejt spitalit të Lushnjës. Makina e saj është përplasur gjithashtu me një shtyllë elektrike, ndërsa mjeti tjetër i përfshirë, një “Audi”, ka raportuar vetëm dëme materiale.

Aktualisht, ekspertët e grupit hetimor dhe efektivët e policisë po kryejnë verifikimet në vendin e ngjarjes për të zbardhur dinamikën e plotë të këtij incidenti, ndërsa pritet një njoftim zyrtar me detaje të mëtejshme nga ana e Policisë së Shtetit.